FELIZ ANO NOVO

 Aquí vos deixo unha foto do derradeiro día da clase, no que o alumnado veu elegante para celebrar o ano novo.

LOTERÍA DE NADAL

 O derradeiro día do trimestre, e coincidindo co sorteo de Nadal,levamos a cabo o noso propio sorteo na aula.

Durante o trimestre fomos gañando dojos, que son os nosos cartos, e posteriormente o alumnado mercou os décimos para poder participar no sorteo, cada décimo custou 20 dojos e no noso sorteo había 3 premios, e despois numerosos premios que eran máis dojos ou doces de Nadal.

A actividade foi todo un éxito para todo o alumnado. 

Aquí vos deixo un vídeo resumo da actividade!!

AMIGO INVISIBLE

 Para poñer fin a este primeiro trimestre fixemos moitas actividades pero unha das que máis nos gustou foi a do amigo invisible, onde a cada un de nós nos tocou un compañeiro/a.

Foi unha actividade moi entretida, e tiña como condición que os agasallos tiñan que ser preparados por nós mesmos.

Todos nos esforzamos moito en realizar os agasallos e vimos auténticas obras de arte. Aquí vos deixo un vídeo resumo da actividade.

VISITA DE PAPÁ NOEL

 Hoxe tivemos a sorte de ter a Papa Noel na nosa escola. Foi unha sorpresa moi agradable e interesante no cal o pasamos moi ben e lle fixemos entrega das cartas que escribimos esta semana na clase, e tiñan unha peculiaridade xa que só podíamos pedir cousas non materiais, posto que a carta dos agasallos xa a fixeramos cada un de nós na casiña. 

Aquí vos deixo unha foto coa visita de hoxe.

Moitas grazas Papa Noel pola túa visita e pola túa paciencia con todos nós!!!

PARABÉNS PARA O NOSO JAIRO

 O pasado xoves, fomos ata Vilalba para realizar unha actividade da área de educación física, que consistíu nunha carreira no circuíto da Madalena. Cómpre sinalar que é unah actividade dentro do programa XOGADE e que todos o pasamos moi ben e realizamos un gran esforzo para poder realizar a carreira.

Pero hoxe temos que felicitar ao noso Jairo xa que foi o campión da nosa categoría.

 E como bos compañeiros e compañeiras todos nos alegramos moitisímo polo noso compañeiro.

Parabéns Jairo!!!

FOTO DE NADAL

 Hoxe levamos ao cole un complemento de nadal para facer unha foto para rematar o noso reno de plástica. 

Aquí tedes as fotos que fixemos. A ver si sodes quen de adiviñar cal delas é a escollida para a nosa actividade!!!!

TEMPO DE NADAL

 Hoxe tivemos a sorte de contar coa profe Elvira que veu á nosa clase para facer un obradoiro de Nadal, que consistíu en realizar un Papá Noel cun calendario.

Aquí deixo as fotos desta xornada tan divertida para todos nós.