Boas rapazada:
Nesta semana xa ímos pouco a pouco voltando á normalidade. Na área de ciencias sociais estamos a estudar as capas da terra e para comprender este concepto tan abstracto fixemos unhas terras con plastilina para observar as capas da terra. Aquí vos deixo as nosas pequenas obras de arte:
Boas rapazada!
Hoxe vouvos informar dunha novidade!. Teño unha actividade preparada e estou desexando que o COVID nos deixe pola en práctica.
Para isto presentovos a...O BUZÓN DO AGARIMO, que o imos empregar para dúas cousas por unha banda imos deixarnos mensaxes de amor e de cariño nunhas tarxetas vermellas e por outra imos escribir aqueño que nos preocupa nunhas tarxetas violetas e que entre todos imos tratar de solucionar esas preocupacións dando os mellores consellos que se nos ocurran,
Aquí vos deixo a foto do buzón, e permanecede atentos porque estou segura de que dará moito que
Boas rapazada:
Estes semana estamos a vivir uns días moi atípicos combinando a escolaridade presencial e online, e na hora de plástica comezamos a achegarnos ao lettering.
Aquí vos deixo unha foto cos nosos primeiros pasiños nesta arte de debuxar letras... e aos que non estivedes presencialmente con nós, non vos preocupedes que cando voltemos a normalidade teremos lettering para todos!!
Boas rapazada!
A semana pasada apareceu na aula un mural cheo de sobres que xerou moitas expectativas. Aquí vos deixo a súa fotografía e poñede a vosa imaxinación a voar a ver se sodes quen de saber para que o imos empregar.!!!
Hoxe, na hora de plástica estivemos facendo auténticas obras de arte coas follas que recolleu o alumnado no patio da escola.
Aquí queda unha pequena mostra das obras de arte.
A semana pasada tivemos algún compañeiro/a confinado e á súa volta trouxonos a sús obra de arte con follas. Velaquí os resultados:
Boas:
Hoxe tivemos a presentación da nosa CAIXA DOS SEGREDOS, esta é unha actividade para que o alumnado sexa quen de expresar os seus sentimentos e de contar aquelo que ás veces non fan por non atopar ese intre de intimidade entre eles e os seus mestres.
A actividade consiste en dar un papel en branco e darlles a liberdade de contar aquel segredo que lles preocupa tendo a confianza de que só o vai ler a titora e nunca desvelará o segredo a non ser que teña permiso da persoa que o escribe.
A actividade sempre resulta moi interesante e enriquecedora xa que aquel alumnado máis tímido abrese e fomentanse os lazos afectivos cos mestres.
Aquí vos deixo a Caixiña para que a poidades ver e gozar en primeira persoa. Alguén ten algo que contarlle á Caixa???
E ao final chegou o tan ansiado día de Samaín. Este curso foi un pouco diferente por mor da COVID e cada un tivo que celebralo na súa aula.
Na nosa clase comezamos a xornada facendo unhas fotografías terroríficas e despois fixemos unhas fichas nas cales pintamos cabazas e saían do papel en 3D.
Fixemos unhas LECTURAS ÁS ESCURAS, que consistíu en ler as nosas historias terroríficas á luz dunha lanterna.
E para rematar a xornada vimos o vídeo das actuacións de todos os nosos compañeiros da escola.
Pero... como vale máis unha imaxe ca mil palabras: aquí quedan as imaxes da xornada, e agardemos que o vindeiro curso xa poidamos desfrutar dun Samaín en comunidade co resto do alumnado do colexio.
